انا لو من شوبير اعاقب اعداد البرنامج بتاعه

لو فعلا شوبير كلامه بعد ما مكالمة جوزيه انتهت صحيح و فعلا ماكنش يعرف ان جوزيه هايتكلم من خلال واحد كده قال اسمه تقريبا من اعداد البرنامج

يبقى الصراحه شوبير لازم يهذقهم و يبهدلهم على الكسفه السودا اللى اتكسفها

شوبير من كتر الكبسه قعد يمسح عرقه و وشه احمر وقعد يهوى على وشه

اولا اسألته كلها انجليزى مالوش علاقه بالأنجليزى "اول غلطه"

ثانيا اسئله غريبه بدون اعداد "تانى غلطه"

ثالثا ترجمته لكلام جوزيه كلها غلط لدرجة ان اوقات جوزيه كان يهزر و يضحك و شوبير مش فاهم و بيكمل عادى "تالت غلطه"

رابعا بسبب كل ده جوزيه قلب المكالمه و قاله انا قاعد مع صاحبى و عاوز اشرب القهوه معاه هاكلمك بعدين "و على الرغم من ان جوزيه قالها و هو بيضحك شوبير كان هايعيط "رابع غلطه"

---

بصراحه حاجه تكسف اوى,

بس اجمل حاجه ان جوزيه قال ردا على رأيه عن حسام حسن "انا ماعنديش حاجه اقولها عنه"

بس طبعا شوبير ترجم ترجمه مالهاش اى علاقه بكلام جوزيه و قال اصله مش بيحب يتكلم على باقى لمدربين !!!

و جوزيه قال كمان انا ببارك لجماهير الزمالك و للاعيبة الزمالك لانه فريق كويس جدا و على جماهير الزمالك ان يفتخرو بالاعيبه دى

و طبعا شوبير ترجم كلام تانى عجيب