افكار هدايا بناتي و شبابي

اولا الهدايا:

فى البداية احب اقول ان كل مناسبة لازم تختار الهدية المناسبة ليها..بمعنى ان هدايا العيد ميلاد تختلف كتير عن هدايا الفلانتين مثلا والنجاح وكده.وبتختلف حسب هو بنت ولا ولد..ولذلك انا حقسم الهدايا حسب المناسبة وحسب هى لبنت ولا لولد.

اولا هدايا اعياد الميلاد:
اهتم باللى هى بتهتم بيه واعرف هى محتاجة ايه وانتى كذلك..

الهدايا الحريمى:

1-الذهب (سلسلة؛خاتم؛انسيال؛.....) وحاول لو جبت سلسلة انك تعمل الدلاية فيها حاجة خاصة بيكم زى حرف من اسمك واسمها او صورة,بس اهم حاجة تعرف هى بتحب الذهب الابيض ولا الاصفر,,لو مش عارف هات مخلط او ممكن فضه

2-برفان..بس انصحك تجيب حاجة حديثة ومن الحاجات اللى ليها اعلانات مشهورة واحسن مكان تجيب منه هو palais des parfums وهو زى mazaya بالضبط بس بيبقى فيه عادة sale وموجود فى city stars
3-شنطة make up او shower gell & perfume برده من نفس المكان بتاع البرفان
4-طقم شيك شنطة وجزمة وحزام ويفضل يكونوا سواريه
5-موبايل حديث جديد
6-Labtop
7-فستان سواريه
8-هات box كبير قبل عيد ميلادها بسنة كاملة يعنى من اخر عيد ميلاد ليها وطول السنة هات حاجات وحطها فى البوكس ده اى حاجة زى شوكولاته مثلا,دبدوب,ماديليه,كارت شحن,بارفان,حزام,شمع,dvd فيلم رومانسى.شريط كاسيت,اكسسوارات حريمى,وهكذا....الفكرة ان كل ما تيجى على بالك حاجة عايز تجيبها هاتها وحطها فى البوكس طول السنة..على عيد ميلادها تخيل حيبقى مليان قد ليه وحتفرح قد ايه..بس طبعا املاه بكل حاجة ممكن تيجى على بالك.
9-ipod 30 gega
10-ساعة
11-قطة شيرازى بيضاء مون فيس او هيمالايا ذكر عنيه زرقاء فى سن 50 يوم ومتنساش تكشف عليه وانصحك متشتريهوش من اى محل عادى ودور فى اعلانات الوسيط
12-نظارة شمس اصلية
13ممكن حاجات بسيطه وتكون احلي مثلا-دبدوب-مديليه فضه-خاتم فضه

الهدايا الرجالى:

1-لو هو بيحب الموسيقى قوى هاتى الة موسيقية زى جيتار مثلا
2- فى شباب بيحبوا الكلاب هاتيله كلب حراسة:: عن نفسى ده لا مانصحكوش 3- برفان وخصوصا لو حاجة حديثة ليها اعلانات..متجيبيش الحاجات اللى هو متعود يجيبها
4- labtop
5- حاجة لعربيته زى مثلا كاسيت cd او جنوط سبور
6- بدلة وكرفات
7-سماعات Bluetooth
8- mp4
9- جزمة adidas او CAT
10-ساعة
11- موبايل جديد
12- نظارة شمس ray ban
T-SHIRT13
14سلسله فضه او انسيال او ممكن خاتم

ودى حاجات تعملها مع الهدية:
1-لازم تبقى اول واحد تقول لها كل سنة وهى طيبة
2-التورتة اهم من بوكيه الورد..ولو جبت الاتنين يبقى كويس,وانصحك لو حتشترى تورتة اشتريها من ساليه سوكريه عشان ملوش حل
3-حاول تعمل الحاجات الغير متوقعة
4-املأ العربية بالونات وخد قلم فلومستر معاك واكتب انت وهى على البالونات كلمة زى بحبك,عقبال 100 سنة وارموهم فى الشارع والعربية ماشية
5- اعمل اهداء على قناة او الراديو
6-كارت فيه كلمات موجزة ورقيقة

هدايا اى مناسبة اخرى:
1-دلاية وتقسموها نصفين
2-الفضة (سلسلة؛خاتم؛......)
3-دبدوب كبير
4-قلب ومعاه علبة شوكولاتة من النوع اللى بتحبه galaxy مثلا
5-شوكولاتة كبيرة جدا وحتلاقيها فى الhyper markets
6-مج شكله مميز
7-مصحف او انجيل شيك
8-برواز من الكريستال عليه صورتك وصورتها
9-لوحة مرسومة باليد فيها صورتكم
10-Flash memory
11-Cd اغانى مع البوم صور ليكم
12-بوكيه الورد اساسى فى الفلانتين هات على الاقل وردة واحدة حمراء
13- طرحة مع عباية
14-اغنية من كلماتك والحانك
15- تى شيرت نفس الشكل ليك وليها :38:

:55: